خواطر الازمة 30/6

• الى انا بقيت متأكد منه ان مظاهرات 30 يونيو هتكون حاشدة بشكل كبير وده يرجع لسببين مهمين ليس للمعارضة اي فضل فيها لانها افشل من انها تكون مؤثرة الاول هو الازمات المعيشية وخصوصا فى الفترة الحالية البنزين عامل خنقة وزحام وعدم وجود موصلات كمان مع الحر يعنى كوكتيل ارف يخلي الناس تبقى عاوزة تولع فى الرئيس والحكومة والى جابوهم يعنى النهارد ركبت يجى اربع خمس مكروباصات مافيش على لسان التباع او السواق غير 30/6
  وغالبا هتلاقى السواق وواحد قاعد جنبه واحد يغنى والثانى يرد عليه على سبيل المثال دول لازم يرجعوا السجون - والتانى لا نرميهم فى الصحرا - الى مش هينزل 30 /6 ميلومش غير نفسه - دول بقى ولا الاستعمار .
  وطبعا الركاب لازم كله لازم يقول رأيه وانا بقى قاعد ولحيتى منورة ولا اتكلم الا اذا لقيت لحية اخرى تشاركنى الحديث
  
  السبب الاخر هو الاعلام طبعا وللمرة المليون الاعلام الى فعلا افلح انه يعمل غسيل مخ كامل لنسبة لا بأس بها من المصريين وعشان تتأكد من صحة كلامى يا مؤمن اتكلم مع اى واحد لا يعانى من المشاكل الحياتية الا قليلاً هتلاقى يا معلم اتفتح فى وشك عمرو اديب على ابراهيم عيسى على رولا الخرسا على ريم ماجد الى اخر الطابور
  
  ============================
  ومفيش حل للازمة دى بعد رحمة الله التى وسعت كل شىء وقادرة ان شاء الله على تغيير كل الامور والاوضاع , انما فى عالم الاسباب على الرئيس مرسي انه يخرج فى خطابه غدا بحاجة من اثنين
  
  اما توضيح كل الامور للناس بشكل لا لبس فيه وبأدلة دامغة , وكذلك كشف حساب دقيق مفصل عن الانجازات والازمات واسبابها
  
  او انه يعلن اجراء استفتاء على بقائه
  
  او الاثنين معا , لان غير كده البلد هتولع لان الناس فعلا واصلة من الاسباب التى ذكرتها لقمة الغضب
  
  والرؤية بالنسبة للناس ضبابية لاقصى حد ومش شايفين اى امل غير ان مرسي يمشى والاخوان يرجعوا السجن تانى مين الى وصلهم لكده بقى المخابرات اداء الاخوان الاعلام
  
  كل ذلك مش مهم لان الناس شايفة الاخوان عصابة حاكمة
  الشيء الوحيد الى يقدر يغير الواقع ده او يقلل مخاطره هو صراحة الرئيس
  
  بإختصار يراجع كل خطابته فى السنة الى فاتت ويغير اللغة تماما
  
  ============
  
  اما حديث الثورة الاسلامية فانا ادعوا المهددين بها للاستماع لسلسة شرح كتاب حرب المستضعفين لابي مصعب السورى عشان يعرفوا ان المرحلة دى اخرة وقت ممكن تخرج فيها ثورة اسلامية http://bit.ly/11Lkvix
  
  احنا فى الفترة دى كبيرنا قوى يكون فيه حسم عسكرى زى بتاع حماس فى 2007
  
  طبعا بعد كشف كل الامور للشعب
  
  والله اعلم